Woufroot

Van Wikipedia
Naar navigatie springen Jump to search

Dit artikel is begós in 't Mofers. Laes hie wie v'r mit de versjillende saorte Limburgs ómgaon.


'ne Bleujendje woufroot.

Woufroot of christoffel(s)kroed (Actaea spicata) is 'n plantj oete ranonkelfemielje (Ranunculaceae); ze vèltj ónger 't geslech Actaea. De plantj is hieël zeldjzaam in Nederlandj en maotig aafgenómmen in aantaal. In Nederlandj kump woufroot allein veur in Zuud-Limbörg. Me vindj 'm hie in hellingbus op vöchtige, kalkrieke gróndj.

De beer vanne woufroot.

De plantj wuuertj 30 toet 60 cm hoeag en haet drietalige blajer en ein- toet twieëveljig gevaerdje blajer. De stengel is vertak. Woufroot bleutj van mei toet junie mit klein, witte bleumkes in eivörmige troesse. De bleumkes höbbe veer toet tieën kroeanblaadechtige honingblaedjes. De bere zeen zwart en vergiftig.

Tródsdet de bere giftig zeen, zeen de plantjdeiler koum vergiftig waat betröf veur miense. Ouch bie bieëster zeen gein vergiftiginge bekèndj van dees plantj.

Woufroot wuuertj ouch es 'n plantj veur inne sierhaof gebroek. Wiejer kan me woufrootzaod innen hanjel verkriege, döks in wilj plantjemingsele.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Woufroot&oldid=416976"