Woiwodsjap Pommere

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

Woiwodsjap van Pole Pommere
Hoofplaats	Gdańsk
Opperflaakde	18.310 km²
Inwoeners – deechde:	2.311.468 (30-06-2016) 126/km²
woiwode	Dariusz Drelich
Kreise	4 Kreisfreie Städte 16 Kreise
Gemeintes	123
Website	Officieel website va Pommere

Pommere (Pools: województwo pomorskie; Kasjoebisch: Pòmòrsczé wòjewództwò; Dütsj: Woiwodschaft Pommern) is 'n woiwodsjap i Pole. Zie ligk in 't noorde van 't lank en grens in 't noarde aa g'n Oeëszieë, in 't noardoeëste aan 't Roessische Kaliningrad, in 't oeëste aa Ermland-Mazurië, in 't zuje aa Koejavië-Pommere en Groeët-Pole en in 't weste aa Wes-Pommere. De hoofsjtad en wiedoet de groeëtste sjtad is Gdansk.

Geografie

De woiwodsjap umvat de ouw sjtrieëk Pommerelle. 't Weste behoeët tot 't ouw Hingerpommere. Beide name zint aafgeleid van 't Sjlavisch po more, dat zoeëget 'tzelfde wie Zieëlank heesj. De woiwodsjap kunt óch uëveree mit de ouw Prusische provins Wes-Pruse. 't Deel i g'n sjtrieëk Hingerpommere behoeëte tot de provins Pommere. I Pommerelle woeëne óch Kasjoebe, e Wes-Sjlavisch volk dat 't Kasjoebisch kalt. Hun leëfgebeed weëd doarum óch Kasjoebië geneumd.

Sjteë

De lies hei-ónger tuënt sjteë mit mieë es 30.000 iwuënesj (sjtank: 30-06-2015). I höaksjkes de minderheedssjproake Dütsj en Kasjoebisch.

Sjtad	Aatal iwuënesj
Gdańsk (Danzig, Gduńsk)	461.798
Gdynia (Gdingen, Gdiniô)	247.672
Słupsk (Stolp, Stôłpsk)	92.869
Tczew (Dirschau, Dërszewò)	60.510
Wejherowo (Neustadt in Westpreußen, Wejrowò)	50.289
Starogard Gdański (Preußisch Stargard, Starogarda)	48.293
Rumia (Rahmel, Rëmiô)	47.728
Chojnice (Konitz, Chònice)	40.047
Malbork (Marienburg, Malbórg)	38.895
Kwidzyn (Marienwerder, Kwidzëno)	38.679
Sopot (Zoppot, Sopòt)	37.457
Lębork (Lauenburg i. Pom., Lãbórg)	35.418

Reviere

• Słupia (Stolpe)
• Wisła (Weichsel)

Economie

Pommere hat twieë va de drei groeëte zieëhaves va Pole. Dees ligke i Gdynia en Gdansk. De anger zieëhave ligk i Swinemünde. Van aodsher vörme de haves 'n wiechtig brón van ikómste. De haves hant doadurch 'n aatrekkende werking vuur d'r deenstesector en leechte industrie. Economische activitete concentrere zich vuural rónk g'n agglomeratie va Gdansk, oeë 1,2 mieljoeën lüj woeëne en wirke. I dees agglomeratie is de wirkeloesheed lieëg, meh d'r boete nog rilletief hoeëg.

Wier zint badplaatsje es Sopot zier i trek bei toeriste.

Bildergalerie

• 
  Tczew
• 
  De Danziger binnehave
• 
  De Danziger zieëhave
• 
  Sopot
• 
  't Kesjtieël va Malbork: UNESCO-welterfgood

Extern linke

Commons: Pomeranian Voivodeship – Media gerelateerd aan dit óngerwerp