Wielek

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Wasseberger, es te dit dialek sjpriks.

---

Wielek (Duutsj: Wijlack) is e landjgood en veurmaolig gehuch inne Duutsje gemèndje Wasseberg, innen deilstaot Naordrien-Wèsfale. 't Ligk t'n zuje vanne Birgelerbaek inne richting van Uleboesj, t'n wèste van Vaorsj en 'n aantaal aan grindjgater, worónger de Ophovener See inne richting van Vaorsj, t'n oeaste van 'nen ajen, aafgedamdjen erm vanne Roer en t'n naorde van e veldj inne richting vanne Roer.

Wielek ligk t'n zuje vanne Birgelerbaek en t'n naorde vanne Baalerbaek. Wielek wuuertj doorkruuts dore Rurtalstraße; t'n zuje van deze waeg ligk 't landjgood Wielek en t'n naorde loog vreuger 't agrarisch gehuch, det allewiel gans is aafgebraoken en plaats haet gemaak veure grindjwinning.