Sjteinkirk

Van Wikipedia
Naar navigatie springen Naar zoeken springen
Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Ophaovener, as te dit dialek sjpriks.

De Sint-Martinuskirk in Sjteinkirk.

Sjteinkirk (Duutsj: Steinkirchen) is e dörpke ónger Ophaove inne Duutsje gemèndje Wasseberg, innen deilstaot Naordrien-Wèsfale. t'n Naorde van Sjteinkirk ligk Effeld, t'n zuje ligk Ophaove, t'n wèste ligk de Roer inne richting van Postert en t'n oeaste ligk Dohr. Sjteinkirk ligk ane Baalerbaek, die juus t'n wèste van 't plaetske de Roer instruimp.

Bezeenswaerdig is de kattelieke Sint-Martinuskirk, die gewiejdj is ane sóldaote enne bisjóp Maarten van Tours. Same mitte Hert-van-Jezuskirk in Effeld behuuertj ze toete kattelieke gemèndje Sint-Martinus in Sjteinkirk en Effeld.

De kirk in Sjteinkirk woort veur 't ieës vermeldj in 'n oearkónde in 1118. De laatgothische taore oete zèstieëndjen ieëf is nag behaje. In 1871 is 't hujig neogothisch stök geboedj gewaoren en van 1954 toet 1955 nao sterke kriegssjaaj herstèldj.

Sjteinkirk huuerdje vreuger bieje gemèndje Ophaove, die op 1 jannewarie 1972 bie Wasseberg woort ingelief.

Gemeinte Wasseberg
Dörper en sjtaej: Aorsbik · Birgele · Effeld · Lóchteberg · Miel · Ophaove · Sjteinkirk · Wasseberg
Gehuchte en buurtsjappe: Am Kämpchen · Dohr · Entenpfuhl · Kraveld · Obere Heide · D'r Oeë · Rosenthal · Schaufenberg · Uleboesj · Vaorsj · Wielek
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjteinkirk&oldid=387270"