Werreldhanjelsorganisaasje

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De Werreldhanjelsorganisaasje (aafgekórt es WTO, van 't Ingels: World Trade Organisation) is 'n internasjenaal organisaasje die e groeat aantaal aan internasjenaal verdrage euvere hanjel tösse deilnummendje lenjer (plus de Europese Unie) inne gater hèltj. De WTO woort in 1995 opgerich veure GATT-verdrage bie te haje.

In taengestèlling tot väöl anger internasjenaal organisaasjes haet de WTO machsmiddele veur zien besloete krach bie te zètte. 't Is veure WTO meugelik sancties op te lègken aan lenjer die gei gehuuer gaeven aan besloete.

Väöl internasjenaal organisaasje wirke mit 't princiep van ein stum de lanj, meh besloete vanne WTO mótten ummer waere genómmen op gróndj van consensus. Sómmige kritiekers vinje det dit systeem de mach bieje groeate lenjer denaerlègk, ómdet die de veurstèlle die ze neet aanstaon kónne vetoë en formeel opposiesje taengen häör eige veurstèlle kónne veurkómme. Wiejer wirk e systeem worin 't lestig is 'n einmaol aangenómme euvereinkóms te verangeren in 't veurdeil van lenjer die 't zich kónne permittere väöl meujdje te staeken inne analyse en óngerhanjeling vanne óngerdeiler vanne euvereinkóms.

't Veurdeil van 't consensusmodel is det 't snel weltwiej acceptatie van standerde stimuleertj.

Anen ènj vanne jaore neugetig woort de WTO e wichtig ènj veur anges-globaliste.

't Houfkentoear vanne WTO steitj in Genf (Genève).