Genf

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Oetzich euver Genf.

Genf (Frans en Nederlandjs: Genève) is op Zeurich nao de grótste stad van Zwitserlandj, mit 201.164 inweuners in 2015, en behuuertj toet 't Fransspraokig deil. Genf ligk in 't gelieknamig kanton. De stad ligk aan 't wèspuntj van 't Maer van Genf en wuuertj doorsneje dore reveer de Rhône, dae in 't maer oetkump, es ouch d'n Arve.

De stad is óntstangen es 'n plaats van 't Keltisch vouk de Allobrogi. Nao de vereuvering dore Romeine maakdje zie deil oet vanne pervinsje Gallia Narbonensis. Kortbie Genf heel Julius Caesar de Helvetii taenge die nao 't wèste woren 'nt trèkke.

Inne neugendjen ieëf woort Genf de houfstad van Boergondië. Inne zèstieëndjen ieëf vörmdje 't 't centrum van 't protestants Calvinisme. De aaj kattedraol (de Saint-Pierre) waas Calvien zien eige kirk. Genf sloot zich in 1815 aan es e kanton van Zwitserlandj.

Inne stad Genf hoeze hieël väöl wichtige internasjenaal organisaasjes, worónger inkel óngerdeil vanne Vereinigdje Naasjes, 't Roead Kruuts, de Werreldgezóndjheidsorganisaasje enne vorsjingsinstèlling CERN. E groeat deil vanne inweuners kump denouch oet 't boetelandj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Genf&oldid=429955"