Watersjap Limbörg

Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.

---

Watersjappe in Nederlandj nao de fusie van 2017. Watersjap Limbörg is nómmer 20 op de kaart.

Watersjap Limbörg is e watersjap inne Nederlandse provincie Limbörg. 't Watersjap óntsjtóng op 1 jannewarie 2017 oet 'n fusie tösje de watersjappe Piel en Maasvallei en Roer en Euvermaas. De ómvank van 't gebeed is 221.000 hektaar. 't Ómvat daomit de ganse provincie. Huidplaats is Remunj, woe ouch 't Watersjapsbedrief Limbörg gevestig is. D'n iersten diekgraaf is Patrick van der Broeck.

In 2013 woorte de fusieplanne bekindgemaak en op 4 juli 2014 haet 't provinciaal besjtuur van Limbörg 't officieel besjloet genaome.