Pieël en Maasvallei
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
Pieël en Maasvallei (Nederlands: Peel en Maasvallei) waas 'n waterschap in de provincie Nederlands Limbörg. 't Waas in 1994 ingesteld en gevörmp oet de alde waterschappe 't Maasterras, Midde-Limbörg en Noord-Limbörg. 't Waterschap waas 128.400 hectaar groeët en umvatde de Maasdune, de Pieël, 't Wieërtland en de Maasbedding vanaaf Zwame. De huidplaats van 't waterschap waas Venlo.
Waope
[bewirk | brón bewèrke]'t Waope van 't waterschap is van gold, mit 'nen umgekierde, golvende gaffel van azuur, vergezeld aan de rechterkant (heraldisch; dus veur de beziener links) van dreej haorens van keel, beslage van zilver, aan de linkerkant (heraldisch) van 'n meuleraad van sabel en ónder van zes törve van sinopel, gezat 1, 2, 3. De haorens kwame oersprónkelik oet 't wape van 't graofschap Häör en stónde ouk in 't waope van 't waterschap Midde-Limbörg (zoeëwie in 't waope van de provincie), 't meuleraad kwaam van 't Maasterras en de törve van Noord-Limbörg.[1]
Bronne
[bewirk | brón bewèrke]Dit artikel mak gebroek van informatie oet 't corresponderend Nederlandstalig artikel, en wel in dees versie.