Waermwaterbron
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
'n Waermwaterbron of hydrothermaal bron is 'n bron oeëbie water an de oppervlakte keumt dat significant waermer is es 't groondwater d'r öm heen. Es 't water bezeunder waerm is kalt me van hete bronne. Waermwaterbronne zeunt zjuus wie ooch mineraalbronne en geizers naowèrkinge van vulkane. 't Water is oonderaards gewaermd, of dör vulkanische aktivitèèt of dördat 't water in deper laoge van de aeërd circuleert en zich dao waermt an hete sjtèng. Waermwaterbronne bevatte bekaans ömmer zeutwater. Werm zaotwaterbronne vindt me allèng in Italië bie d'r Visuvius, in Japan op 't eiland Hokkaido en in Tailand op 't eiland Lüdao of greun eiland. Es `t waerm groondwater oonderaeërds neet genog circulatieruumte haat ontsjteunt geizers, oeëbie `t water nao boete sjpöt. Bie 't borrele van `t water an de oppervlakte kaome zjwavelhoudende daampe vrie. Dae daamp ruukt get nao rotte èjjer.
Bekaande waermwaterbronne
[bewirk | brón bewèrke]- Wiesbaden 66 graad C
- Aoke
- Chaudfontaine 36 graad C
- Valkeberg, driej bronne op 400 meter dèbde va 32 graad C Thermaal, waerm water in Valkebergse Therme 2000.
- Árse
- Spa
Hete bronne
[bewirk | brón bewèrke]- Burtscheid 74 graad C
- Yellowstonepark in de VS
- Bronne op Ieslaand
