Wiesbaden

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Waope vaan Wiesbaden
Wiesbaden

Wiesbaden is de hoofstad vaan de Duitse deilstaot (Bundesland) Hesse (Hessen) en 't regeringsdistrik Darmstadt. De stad, mèt 274.900 inwoeners (31 december 2006) de twiede vaan Hesse, is krinkvrij (kreisfrei) en ligk (gooddeils) aon de noordkaant vaan de Rien. Zie is de groetse stad die aon d'n Taunus ligk.

Wiesbaden is ein vaan de ajdste kuuroorde vaan Europa. De naom beteikent daan ouch "weibade", 'n verwiezing nao de bekènde wermwaterbronne. De plaots is ouch bekènd veur zien arsjitektuur en relatief werm klimaot.

Roond de bronne vaan Wiesbaden oontwikkelde ziech al vreug 'n nederzètting. In d'n tied vaan de Romeine woort de plaots ummoerd; in de Middeliewe greujde 't oet tot 'n klein stad. In de negetiende iew oontwikkelde Wiesbaden ziech tot 'n internationaal kuuroord. De stad woort 'n geleefde woenplaots veur de rieke lui en de rinteers, boedoor 't snel greujde. Wiesbaden kaom d'n Twiede Wereldoorlog es ein vaan de wienege groete Duitse stei relatief oongesjaojd oet, mèt naome umtot de Amerikane de stad es ein vaan hun hoofkerteer hadde oetgerope. Nao d'n oorlog woort de plaots aongeweze es de hoofstad vaan d'n deilstaot Hesse en braok 'n nui periode vaan greuj aon.

Commons
Commons
Op de pazjena Wiesbaden van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wiesbaden&oldid=458154"