Voorpost

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Voorpost demonstratie

Voorpost is 'n Vlamsje volksnationalistische organisatie. Allewiel haat 't ooch óp 't Hóllendsj 'n afdeling. Voorpost viseert e Dietsland, 'n politieke entitèet die alle Nederlandstalige gebiede in Europa wilt verenige in ène sjtaot. Voorpost haat ooch 'n afdeling in Zuid-Afrika, Die Dietse Federatie, die verboonde is mèt de Hóllendsje afdeling. Voorpost zaet ooch aanhengers te ha in Fraans Vlaandere.

'n Aander sjläöëtelitem in de Voorposts politieke identiteet is 't bewaeze verbaand mèt d'r prominaente Holocaust oontkènner Siegfried Verbeke. D'r Vlaams Blok ideoloog Roeland Raes en Vlaams Belang politici wie Luc Vermeulen zeunt lid van de Voorpost. De organisatie wert dör sommige aanzieë es 'n väörtzètting van de VMO of Vlaamse Militanten Orde, die in 1983 óp 't Belsj boete de wèt geplaatsjt waoërt es privee militie.

Demonstratie Mestreech[bewirk | brón bewèrke]

Óp 1 maart 2009 heel de Voorpost in Mestreech 'n demonstratie taege de Hollendsje drugswètgaeving en de coffeeshops in 'n poging öm via dae waeëg aanhang te mobilisere väör ooch de baovesjtaonde ideeje. De driejhoonderd maan sjterke ME sjlaagde d'r in öm de orde in Mestreech, oeë koopzondag waor, te beware. Went de Voorpost in 't aoëpenbaar manifesteert, haat dat mètstens töt gevolg dat 't Anti Fascistisch Froont 'n taegedemonstratie organiseert in de ègeste plaatsj. Kóste van de ordehandhaving wieëre vólges burgemeester Gerd Leers 250.000 bies 300.000 Euro.
Óp 2 maart kondigt Leers aan dat e demonstraties van extreem groeperinge in Mestreech wilt goeë verbeje, zoonder evvel 'n raming te gaeve van de proceskooste die dat mèt zich mètbrèngt. Demonstratierech is e groondwèttelek rech.

Externe leenk[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Voorpost&oldid=341230"