Voeres Alternateef
Dit artikel is gesjreve (of begós) in 't platt va Rimmezjdel. Laes hie wie v'r mit de versjillende saorte Limburgs ómgaon.
Voeres Alternateef (in et Flamsj: “Voerens Alternatief”, in ‘t Fraans: Alternative Fouronnaise) (°2023) èès ‘n lokale partiej ee Voere, de Belsj-Leemburgse gemiengde bekaant veur taalprobléme. De partiej haat Flamsje en Welsje léde, en sommege howwe een partiejkaat va N-VA e van der Défi ee gen tèsj wèn de partiej opgereech weuëd. Der sjlogan va Voeres Alternateef ees in ’t platt: Ver kalle mit.
Participasje van de luuj[bewirk | brón bewèrke]
‘t Voeres Alternateef es gèng taalpartiej. Het gèèt euver participasje van de luuj en ékere Voerenèr is welkom, de Flamèndere en de Welsje.[1]
‘t Voerens Alternateef respecteert daat de gemiengde Voere bie ’t Flamsj èès, mèè ze haant niks tège de facilitète veur de Welsje. De partiej zèèt dat de luuj va Voere geunt beslisse of de partiej gèèt mittoewe met de sjtemmeriej veur de gemiengde ee 2024.[2]
Ontsjtoewe va Voeres Alternateef[bewirk | brón bewèrke]
Voeres Alternateef weuëd ee 2023 opgereech as een twèjtalige politieke partiej ee Voere. De sjtichter zeunt: [3]
- D'r Reek Tomsè (Rik Tomsin), der ICT maan een de provinciale sjoeël ee Voere, vreuger OCMW-leed veur Voerbelange en ooch vörzitter van der gemiengderoad
- D'r Michaël Henne (Michaël Henen), ene muzieklierër en vreuger gemiengderaodsleed veur Retour aux Libertés. Der Henne is ooch dirizjent bie de Wèlsje harmoniej ee Sëmmèëte en bie de Flamsje sjeutteriej in ’t zelfde dörrep
- D'r Fred Banne (Fred Banens), ene toeristische ondernèmer
- D'r Manuel Hàrrio (Manoël Hariot), ene zelfsjtandige
- D'r Gie Borre (Guy Born), ene toeristische ondernèmer, vrögere vörzitter va Toerisme Voerstreek
- D'r Pool Preense (Paul Princen), ene zelfsjstandige ee der horeca
Reaksjes[bewirk | brón bewèrke]
Der vreugere burgemèèster va Voere, Hup Bruësj (Huub Broers): "Les extrêmes se touchent" (De extréme koame bieèè, en doamit bedeult-e de N-VA en ‘t Défi).[4]
De N-VA haat der Gie Borre en der Reek Tomsè oet de partiej gezat, dat zeunt twèèj Voerenerre die mit an de weeg sjtonge va Voeres Alternateef.[5]
Der Zjeng Lèvvo (Jean Levaux, gemiengderoadsleed veur Retour aux Libertés): "Ee Voere sjtemme de Welsje vör de Welsje partiej en de Flamèndere vör de Flamsje partiej, dus eech deenk dat die driede lies gèng toekoms haat."[6]