Velair
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'ne Velair of 'ne velaar is 'ne mitklinker dae wuuertj oetgespraoke mitte baktóng taengen 't zaach verhieëmeldje. Veurbiljer van velaire zeen de stumloeazen [x] en stumhöbbendje velaire fricatief [ɣ] ('n vorm vanne zaachte g), de stumloeazen [k] en stumhöbbendje velaire fricatief [g] enne velaire nasaal [ŋ] (de ng-klank).
Ómdet 't verhieëmeldje inne móndj betrèkkelik oetgebrèdj is enne bewaeginge vanne baktóng neet gans percies zeen, óngergaon velaire döks assimilaasje, wobie de exakte oetspraok nao veur of nao achter geit, aafhenkelik vanne kwaliteit vannen aangrenzendje klinker. Dit gebeurtj ouch inne meiste Limbörgse dialekte, wobie de [k] beveurbeildj lichtelik gepalataliseerdj wuuertj inne naobieheid van veurklinkers enne d'r juus lichtelik uvulair wuuertj oetgespraoke bie achterklinkers: [kʲɪ́ɲ̊:c] kindj taenge [qɑt̺] kat.