Trap

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Trap.

'n Trap is 'n kónstruksje die me gebroek veur zich loupendj horizontaal en verticaal (in bei richtinge) te kónne verplaatse, meis vanne ein verdeping nao de anger. Me kan 'n vaste trap höbbe, wie in 'n hoes, of 'n losse trap (wie 'n traplejjer).

Trappe waere meis gemaak van stein of van hout. Tösse de trej van 'n houtere trap vindj me döks plenk: de zoea-geneumdje stoeatbraejer. Wen me dees braejer neet ane trap haet, kaltj me van 'n aope trap.

'n Trap is meis rech, meh kan ouch in 'n boch waere gezatj; 't perbleem vannen drej kan m'n oplosse door 'nen drej inne trej te make ('n wentjeltrap) of door 'nen euverloup op 't rech vlaak te make (e bordes). Bie 't make van 'n trap mót m'n ouch raekening haje mitte optraej ('t huuegdjeversjil tösse twieë trej), die neet te hoeag of te lieëg maag zeen, enne helling vanne trap (me mót good de trap trej veur trej kónne beklumme). Langs de trap maak me döks 'n leuning zodet luuj zich tegooj kónne vashaje bie 't klumme.

Apaarte trappe zeen 'n brandjtrap (veur noeadgevel), 'n roltrap (mit bewaegbaar trej), en 'n vèstrap (die vèsse broeke veur langs 'n stoew te kómme).

Verwantje wäörd[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Trap&oldid=435670"