Tied

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Tied kan nao huuegdje, brèdje en lingdje gezeen waeren es de veerdje dimensie. Van 'n gebeurtenis kan waere gezag det dees nao 'n anger gebeurtenis plaatsvindj. 'n Gebeurtenis vindj plaats op e tiedstip of moment. d'n Tied wuuertj waal gezeen es 'n opeinvölging van tiedstippe. Daonaeve kan bepaoldj waere wie lang 'n gebeurtenis nao 'n anger plaatsvindj. 't Betröf den d'n tiedsdoer tösse twieë tiedstippe. Tied is 't begrip womit dees volgorde en doer waere besjreve.

Naeve de entiteit vanne lineaire, kwantitatieven en maetbaren tied (of kloktied), is tied ouch 'n entiteit woreuver eder subjèk de besjikking haet en wovan 't subjèk 'n unieke eige kwalitatieve belaeving haet (tiedsperceptie).

Inne filosofie en spraokweitesjap, mit naam de semantiek, wuuertj tiedslogica óngerzóch. Dit zeen formeel logische systeme die 't begrip "tied" formalisere.

Tied is maetbaar en wuuertj gemaeten in einheje middels 'n klok. De internationaal vasgelagdje SI-einheid is de sekónd.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Tied&oldid=356552"