Thomashof

Van Wikipedia
Naar navigatie springen Naar zoeken springen
Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Hukkelhaoves, as te dit dialek sjpriks.

Thomashof (Duutsje naam) is e veurmaolig gehöch inne Naordrien-Wèsfaalse gemèndje Hukkelhaove. 't Gehöch huuerdje bestuurlik gezeen toet de stad Hukkelhaove zelf, mer haet ummer mieë verbenj mit Horst en Kleingladbach gehadj. Thomashof loog op 'n eilandj inne Mellikerbaek, juus wie 't naordeliker gelaenge Romersmühle, det ónger Kleingladbach vool en es 'n óngerdeil van Horst wuuertj gezeen. Thomashof vörmdje eigentlik 't zujelikste deil van Horst, meh doordet 't ónger Hukkelhaove vool en neet ónger Kleingladbach, woort 't es 'n apaart gehöch behanjeltj (daoveur steit 't es 'n apaarte plaats vermeldj inne kreisindeiling van 1935), tródsdet 't te klein is veur 'n apaart gehöch te vörme.

Door verligkinge van waeg enne Mellikerbaek ligk d'n Thomashof allewiel gans t'n zuje vanne baek ane Ludovicistraße, kortbie de bushalte Dieks Mühle ('n vermeljing nao d'n Thomashof dae ouch 'n watermeule waas). Mirk op det de hoezer die ónnag ane Ludovicistraße, mer anen euverkantj vanne baek staon, neet ónger Hukkelhaove valle, mer ónger Horst. Daodoor zeen dees gein óngerdeil van Thomashof, veur zowied me nag kan spraeke van e bestäöndj, apaart gehöch.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Thomashof&oldid=415363"