Horst (Hukkelhaove)

Van Wikipedia
Naar navigatie springen Naar zoeken springen
Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Raoëtemer, es te dit dialek sjpriks.

Horst (Duutsje naam) is e gehöch inne Naordrien-Wèsfaalse gemèndje Hukkelhaove. 't Gehöch huuertj toet 't dörp Kleingladbach. t'n Naorde ligk 't baekske de Gladbach. Anen euverkantj van dit baekske ligk nag e klei deil van 't gehöchske Esjembrook, det wiejer veural t'n oeaste van Horst, anen euverkantj vanne Mellikerbaek, ligk. 't Dörpscentrum van Kleingladbach ligk net get wiejer nao 't naorde. t'n Wèste ligk e groeat stök aan landjboewgróndj det inne richting vanne Raotemer wiek Am Bammich geit. De begrenzing ane zuudkantj van 't gehöch is get lestiger: ieëre góng Horst vriewaal drek euver in Sjovemig wo vreuger de waeg 'ne bóch maakdje. Allewiel is de straotnaam Horst doorgetróch door vreuger landjgebied euver 't ganse stök langs de Mellikerbaek toet wo d'r euvergeit inne Schaufenberger Straße in Mellik. Deze litste waeg góng vreuger dus rechstreeks door nao Sjovemig, mer allewiel veurtj me dus euver e stök "Horst". Me kan waal zègke det vreuger t'n zuje van Horst drek Hukkelhaove loog, anen angere kantj vanne Mellikerbaek.

De Mellikerbaek struimp langs 't oeasten en zuudoeaste veurbie 't gehöch.

Horst besteit oet twieë waeg: Horst en Romersmühle, deze litste bevindj zich op 'n eilendje inne Mellikerbaek.

Horst huuerdje vreuger bieje gemèndje Kleingladbach, die op 1 jannewarie 1972 bie Hukkelhaove woort ingelief.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Horst_(Hukkelhaove)&oldid=415354"