Tarot

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

D'n Tarot (oetgesproke wie tárot of wie taró, umtot 't vaan 't Frans kump; origineel Italiaans: tarocchi; soms tarock) is e kaartspeul vaan 78 keertsjes, wat vaanaof 't midde vaan d'n 15e iew in versjillende deile vaan Europa weurt gespäöld. D'n oerspronkeleken tarot kump oet Zuud-Europa, woersjijnlek of oet de allewiele Zuid-Franse Provence-Alpes-Côte d'Azur of oet 't aongrenzende allewijle Noord-Italië. 't Gief in d'n tarot veer categorieë die euvereinkomme mèt de veer kleure vaan 't modern Europees kaartespeul wat op zien beurt besteit oet 52 keertsjes. In 't modern kaartspeul oontbreke evels de Groet Arcana. Wel kump in sommege kaartspeule de Joker veur, dee welliech door de laop vaan d'n tied de groeten arcanus De Zot (Nederlands: de Zot of de Dwaas, Duits: der Narr, Frans: le Mat, Ingels: the Fool) heet vervaange. Evels is 'r neet sömpelweeg 'n variant dao-op. In de 19e iew woort de Joker geïntroduceerd en heet heer veur e tiedsje zij aon zij mèt de Zot bestande.

De Groet Arcana

0. De Zot, de Nar of d'n Dölle

I. De Magiër of Bateleur

II. De Hoegepreesteres of de Papesse

III. De Keizerin, de Hierseres of de Imperatrice

IV. De Keizer, d'n Hierser of d'n Emperäör

V. De Paus, d'n Hoegepriester of d'n Hiërofant

VI. De Verleefde of de Geleefde

VII. De Wagel, de Zegewagel, de Chariot of de Kaar

VIII. De Zjustitie of de Gerechtegheid

IX. D'n Eremiet of de Kluizeneer

X. 't Raad vaan Fortuin of 't Raad

XI. De Force of de Krach

XII. De Gehaange of d'n Opgehaange

XIII. D'n Doed (ouch soms de naomloeze kaart geneump)

XIV. De Gemaotegheid of de Tempérance

XV. D'n Duvel

XVI. D'n Tore

XVII. De Staar

XVIII. De Maon

XIX. De Zon

XX. 't Oordeil of de Rechbaank

XXI. De Wereld