Stroeklaog

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


E stök stroeklaog in Texas.

De stroeklaog is de begrujjingslaog van 135 cm toet 800 cm huuegdje, wie inne bós. In dees laog bevinje zich veural de struuk. Óngere stroeklaog ligk de kroedlaog en daobaove bevindj zich de boumlaog. Ouch veur struuk guldj det 't dao-zeen van leech van doorslaaggaevendj belank is. Dökker kómme struuk veur inne zuim langs 'ne bós en op plaatse wo e gaat door 't blajerdèk óntstangen is, wie nao 'ne storm.

Väöl struuk zeen veurzeen van stekelen of däöre womit zie zich besjurme taenge vraat door groeate graezers. Dökker kónne zejlinge van buim toet wasdóm kómmen inne stroeklaog, doordet zie besjurmp waere door die naolje; döks vörmp dit 't begin van 'ne nuje bós.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Stroeklaog&oldid=444092"