Däöre

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Blaaddäöres mit inne oksele de sjäöte bieje zoerbeer.

Takdäöres inne blaadoksele bie einstielige meidäöre.

'nen Däöre, wie bie berberis, zitj inne plaats van e blaad (blaaddäöre) of, wie bieje meidäöre, van 'nen tak (takdäöre) en is verbónje mit 't inwenjige vanne stengel. Daodoor bevatj 'nen däören ummer vasculair weefsel. 'ne Blaaddäören óngersjèdj zich van takdäöres dore aanwaezigheid van 'nen okselknoep.

Stekel

Stekele bieje brieëm.

Ouch kónnen oppe stengel stekele zitte. 'ne Stekel, wie bieje brieëm, is e kegelvörmig oetgreujsel vanne opperhoed en is neet verbónje mit 't inwenjige vanne stengel of de tak.

Stekels bieje roeas.

Vanne stekele bie roeazen is 't óndudelik oet welch weefsel die waere gevörmp en dus of 't stekelen of däöres zeen.