Stef Blok

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Offecieel portrèt vaan Stef Blok (2018)

Stephanus Abraham Blok of Stef Blok (Emmeloord, 10 december 1964) is 'ne Nederlandse politicus en d'n allewijle minister vaan Boetelandse Zake vaan de Nederlandse regiering oonder 't Kabbinèt-Rutte III. Heer is lid vaan de VVD, die op EU-niveau deil oet maak vaan de liberale partij ALDE.

Heer greuide op in Leie en woort lid vaan de VVD in 1988. Neet laank daonao studeerde heer aof es dokter in bederijfskunde aon de Rieksuniversiteit Groninge. Vaan 1994 bis '98 waor heer lid vaan de gemeinteraod vaan Nieuwskoop en delokale fractieveurzitter vaan de VVD. Daonao woort heer lid vaan de Twiede Kamer en bleef dat bis 2012. Ouch waor heer in de lèste twie jaor vaan die periood de fractieveurzitter vaan de VVD. In 2012 woort heer aongeweze es minister veur Woene en Rieksdeens (Minister voor Wonen en Rijksdienst). Heer bleef die pos behawwe veur bis 2017, boenao heer veur e jäörke de pos vaan minister veur Veilegheid en Justitie bekleide. Sinds 2018 is heer Minister vaan Boetelandse Zake. Heer waor d'n oetindeleke vervenger vaan Halbe Zijlstra, dee es minister vaan Boetelandse Zake in e sjandaol terech waor gekomme naotot heer bleek geloge te höbbe euver de inhajd vaan 'n reie gegeve door de Russische prizzendent Vladimir Poetin.

Polletiek positie[bewirk | brón bewèrke]

Stef Blok steit bekènd um zien adhesie veur 't vrije merret dinke en 't opprimere vaan de euverheid in 't daogeleks leve. Daomèt weurt heer dus gezien es 'ne klassieke liberaal. Heer waor eine vaan de ierste kamerleje dee oongenutege bezuineginge in de cultuurindustrie es centraol polletiek positie op ziech naom. Al in 2004 trok heer aondach vaan de media mèt dees stèlling. Pas nao de ikkenomische crisis vaan 2008 (de Eurocrisis veurop) woort door zien partij, de VVD, beslote in 2011 werkelek proont te bezuinige op cultuur.

Opspraok[bewirk | brón bewèrke]

Op 18 juli 2018 kaom Stef Blok in opspraok, meh inkele maonde naotot heer 't ministersjap vaan Boetelandse Zake op ziech had genomme. Heer bleek in 'n geslote rendez-vous vaan ambassadäörs controversiële sjampsjeut te höbbe gemaak euver versjèllende etniciteite en len, vlöchtelinge en multiculturalisme. Zoe had heer gezach:

Cquote1.png Noem mij een voorbeeld van een multi-etnische of multiculturele samenleving, waar de oorspronkelijke bevolking nog woont (...) en waar een vreedzaam samenlevingsverband is. Ik ken hem niet.

("Nöm miech e veurbeeld vaan 'n multi-etnische of multicultureel gemeinsjap, boe de oersprunkelek bevolking nog hojs (...) en boe 't e vreieg gemeinsjapsverband gief. Iech kin gein.")
— Stef Blok (2018)
Cquote2.png

Daobij zach heer ouch tot Suriname 'ne zoegenaomde failed state is ('ne staot dee neet functioneert in 't besjerme vaan börgers en stabiliteit creëere). 'n Aander opmerking die veur kritiek zörgde waor:

Cquote1.png Als je in Benoordenhout woont, is het hartstikke leuk om op zondag naar de Turkse bakker te gaan. Je hebt ook geen last van een aantal bijeffecten. Maar als je er middenin woont, heb je enorm last.

("Es me in Benoordenhoet hojs, is 't hendeg sjiek um op zoondeg nao d'n Törkse bekker te gaon. Geer höb ouch gei las vaan 'n aontal bijeffekde. Mer es geer d'r middenin hojs, höb g'r 'nen enorme las.")
— Stef Blok (2018)
Cquote2.png

Dit veroerzaakde väöl kritiek vaanoet zoewel Nederlandse media es de Surinaomse staot. De Surinaomse regiering leet weite officiële excuses te verwachte vaan Blok. Wijers stèlde heer tot de vlöchtelingecrisis neet kin weure opgelos door alle EU-lidstaote te dwinge vlöchtelinge aon te nömme. Deils waor dat te verwiete aon vlöchtelinge, umtot Oos-Europa neet leefbaar zou zien. Oonder drök vaan veural de linkse partije GreunLinks, SP en PvdA moos Stef Blok nao 'n excuusbreef ziech gaon verdedige in d'n Twiede Kamer op 5 september 2018.

Brónne[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Stef_Blok&oldid=434261"