St. Clairmaer

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Satellietfoto van 't St. Clairmaer.

't St. Clairmaer (Ingels: Lake St. Clair) is e maer oppe grens van Ontario (Canada) en Michigan (Vereinigdje Staote), det ligk in 't gebied vanne Groeate Maere, juus te naordoeaste vanne stej Windsor en Detroit. 't Maer is verbónje mit 't Huronmaer en 't Eriemaer dore revere de St. Clair ennen Detroit,

't St. Clairmaer haet 'n oppervlakdje van zón 1.114 km². De grótste aafmaetinge zeen 42 km van naord toet zuud en 37 km van oeas toet wès; de gemiddeldje deepdje van 't maer is 'n ampel 3 maeter. Veure sjeepvaart haet me waal e deper kenaal mótten aanligken in 't maer, det deil oetmaak vanne Saint Lawrencezieëwaeg, waat de verbinjing vörmp vanne Groeate Maere mitten Atlantischen Oceaan.

't St. Clairmaer is in 1679 óntdèk gewore door René Robert Cavelier de La Salle oppe fieësdaag vannen hèlge Clara van Assisi, wo 't maer ouch ziene naam aan dank.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=St._Clairmaer&oldid=444790"