Lourdesgrot

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

'n Lourdesgrot ies 'n replica van de grot van Lourdes in Zuud-Frankriek. Op dees plek, gelege aan de rivier de Gave, zou Maria in 1858 ettelike kière versjene zin aan aan Bernadette Soubirous.

Op diverse plaatse zint in de jaore daonao, in de loup van de 20e ièw, ter ière van dit gebeure miè van dit soort grotte oetgekap of opgeboewd. Ouch um de luuj dit fenomeen get korter bie te bringe. Zoa ies de Lourdesgrot in Valkeberg in 1927 geboewd. Dao ies gebruuk gemaak van de mergelwand van de Gemeintegrot. De oetveuring ies in dezelfde sjaal es de echte grot in Lourdes.
Lourdesgrotte en grötsjes woorte ouch dèks gemaak in kloastertuine.

Lourdesgrotte in Limburg

• in Valkeberg
• op Sint-Pieter bie Mestreech
• in Banholt
• in Steyl
• in Zutendaal