Veenliek

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Aan dit artikel weurt de kómmenden tied nog gewirk. Tot daen tied kan d'n inhaud van 't artikel veurnaam informatie misse of nog neet good in zie verbandj ligke.

Plaetje:Homme de Tollund.jpg

Gelaat van d'r Maan va Tollund.

'n Veenliek is 'n prehistorisch liek dat in 'n veen voonde is. De mètste veenlieke zeunt voonde tiedens 't turf sjtaeëke. Al saer 300 n.Chr. zeunt vondste va veenlieke besjraeve.

Conservering

'n Veen is 'n saoërt moeras oeë d'r zoertegraad hoeëg is en dat gèft, dat bacterieje, die väör 't vergoeë va miensjelek en deerlek waefsels nuëdèg zeunt, oontbraeëke. 't Gebrek an zuursjtof drègt bie an de conservering. De knäök van 'n veenliek zeunt opgelost en es de klèèjer va plaataardèg materiaal waore, zoewie vlas, da zeunt die ooch vergange. Klèjjer va boont dao-en taege bleve behaowe. D'r maaginhoud en de haore blaeve ooch bewaard.

Historie

D'r Romein Tacitus vertèlt al uvver miensjeoffers in de noordeleke leng ter ieëre van de aeërdgoddin Nerthus. Moerasse waore in d'r vreuge Iezertied ritueel plaatsje. An 't èng van d'r weenter of begin van 't vreugjaor waoërte dao offers in verzoonke. Väörwerpe, dere mae ooch luuj. D'r maaginhoud va sommige veenlieke bevat hamsj, 'ne giftège haofparasiet, dae mèt de druïde in verbaand gebrach wert. 't Aeëte van dit gif lokt hevige kraampe oet.

Bekaande veenlieke

• Maan va Tollund (Denemarke)
• Maedsje va Yde (Nederland)
• Paar va Weerdinge (Nederland)
• Grauballe Maan (Denemarke)
• Lindow-maan (Engeland)
• Frau va Elling (Denmarke)