Pierre Cuypers: Versjèl tösje versies
Geen bewerkingssamenvatting |
|||
| Tekslien 17: | Tekslien 17: | ||
== Bekindje geboewe == |
== Bekindje geboewe == |
||
' |
'Ne greep oet de väölheid aan geboewe die Cuypers (her)óntworpen haet. |
||
{| class="toccolours sortable" |
{| class="toccolours sortable" |
||
|- bgcolor="Cornsilk" |
|- bgcolor="Cornsilk" |
||
Versie op 6 jan 2010 22:40
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
 |
Tot daen tied kan d'n inhaud van 't artikel veurnaam informatie misse of nog neet good in zie verbandj ligke. |
.jpg)
Pierre Cuypers (16 mei 1827 - 3 mieërt 1921), voloet Petrus Josephus Hubertus Cuypers, waas 'ne Remuunjsen architek en restaurateur. Hae genuutj groeate bekindjheid óm zien óntwerpe van väöl tieëntalle kirke en tal van anger geboewe, gooddeils in Nederlandj. Euverbekindj is ónger angere de centraal staasje van Amsterdam en 't Rieksmuseum. In de ouge van väöl luuj gultj d'r es 'ne belangrieke sjakel in de modern Nederlandse architectuur.
Gesjiechte
Cuypers grujdjen op in Remuunj es negendje en jóngste kindj van de sjiljer Joannes Hubertus Cuypers (1769 - 1858). Nao de groeate sjoeal ging d'r nao 't Stedelijk College. Tösse 1844 en 1849 genootj d'r de architectuursopleiïng ane Kunsacademie van Antwerpe. Dao lieërdje d'r ónger angere van veurluipers in de neogotiek Frans-Andries Durlet (1816 - 1867), Ferdinand Berckmans (1803 - 1854) en Frans Stoop (1815 - 1861), de stiel die kènmirkendj zów waere veur Cuypers. Hae behaoldje de Prix d'Excellence en waerdje fieëstelik ónthaoldj in zien gebäörtestad.
In 1850 maakdje d'r 'n studiereis door 't Pruse Rienlandj. D'n Dóm van Kölle waas in daen tied nag in aanboew. Hae lieërdje dao väöl euver de Kölse neogotiek. Nao zienen trökkóms trouwdje d'r mit de Antwerpse Rosalia vanne Vin, mit waem d'r twieë dochters zów kriege. Det zelvendj jaor nag kreeg d'r de opdrach óm de Munsterkirk obbernuuts in te richte.
Neet lang daonao, in 1851, waerdje d'r beneump toet stadsarchitek van Remuunj. In 1852 richdje d'r mit fabrikant François Stoltzenberg en beeldjhouwer Eduard François Georges ateliers veur gewiedje beeldjhouwkónde op. In 't jaor drop startdje de boew van nuuj werkplaatse en woonhoeze van de femieljes Cuypers en Stoltzenberg, wo-in allewiel 't Stedelik Museum óngergebrach is.
In 1855 stórve zien jóngdochter en vrouw aan tbc, wodoor hae mit zien anger dochter achterbleef. In 1859 hertrouwdje d'r mit Antoinette Thijm, mit waem d'r 3 dochters en 2 zeuns zów kriege.
Zoon Joseph Cuypers waas ein van zien väöl lieërlinge. Ouch hae is 'n bekindj architek gewore. Pierre Cuypers sr. deentj neet doorein gehaoldj te waere mit kleinzoon Pierre Cuypers jr., dae aevenèns in zien (groeat)vaders vootstep zów traeje.
Bekindje geboewe
'Ne greep oet de väölheid aan geboewe die Cuypers (her)óntworpen haet.
| Boewperiode | Boewwerk | Plaats | Bezónjerhede |
|---|---|---|---|
| 1846 | Jachslot Kestieël Mofert[1] | Mofert | Gerestaureerdj (2005-2006) |
| 1850 | Munsterkirk | Remuunj | Restauratie koear |
| 1857-1858 | Sint-Martinuskirk | Mestreech | Nuujboew |
| 1861-1867 | St. Catharinakirk | Intjhaove | |
| 1860-1863 | Poshaorekirk (OLV Ónbevlek Óntvange) | Amsterdam | |
| 1863-1890 | Munsterkirk | Remuunj | Groeate restauratie |
| 1871-1899 | Sint-Willibrorduskirk boete de Vèste | Amsterdam | Aafgebraoke (1966-1970) |
| 1870-1890 | Sint-Servaasbasiliek | Mestreech | Restauratie |
| 1872-1880 | Vondelkirk | Amsterdam | |
| 1876-1885 | Rieksmuseum | Amsterdam | |
| 1881-1889 | Centraal Staasje | Amsterdam | |
| 1884-1893 | Sint-Dominicuskirk | Amsterdam |
- ↑ Jachslot: nao alle waarsjienlikheid 'n óntwerp van Cuypers.
Trivium
- Sieër 2008 siertj 't portret van Cuypers de motorwage van e gelieknamig treinstèl van Veolia Transport.