Sjtaosie Èèsjde

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Èèsjdes. Laes hie wie v'r mit de versjillende saorte Limburgs ómgaon.


De sjtaosie van Èèsjde is de ejnigsjte sjpoeërweagsjtaosie van Èèsjde. De sjtaosie weert geoeëpend op 24 november 1861. Tusse 10 december 2006 en 11 december 2011 waor de sjtaosie gesloeëte, umdat de intercity tusse Mesjtreech en Brussel d'r neet mie kos sjtoppe. De sjtaosie van Èèsjde is de miesj zujdelikst geleage sjtaosie van Nederland.

'n Belemmering bie de exploitaosie vanoet de Nederlandse richting is 't feit dat de sjtaosie sinds 't elektrisch wurre ien 1985 op 't Belsje nit is aongesjloeëte. Tusse de Sjtaosie van Mesjtreech Randwyck en de Sjtaosie van Èèsjde likt de sjpanningssjluis mit de uevergank van 1500 Volt (Nederland) nao 3000 volt (Belsj) gelieksjtroom ter hoegte van de Karosseer. De sjtaosie is neet te bereiken mit 't Nederlandse elektrische materiaol dat mèr gesjikt is vuur 'n sjpanning van 1500 volt.

Op de sjtaosie zien OV-chipkaortleazers van de NS geplaotst vuur de Nederlandse rejzigers. Dit umdat NS aon NMBS opdracht heat gegeave tot 't bedeene van de sjtaosie van Èèsjde. Voor 't ien- en oetchecken wurre de NS en de NMBS als eane verveurder wurd besjowt.

Treinverbindinge[bewirk | brón bewèrke]

Vanaof de deensjreageling van 2015 wurd Èèsjde aongedoeën doer de intercity Mesjtreech - Lúk-Guillemins - Tóngere - Hasselt, die ueveral sjtopt. De trein veurt tusse Mesjtreech en Hasselt 'nne umweag.

Serie Treinsoert Route Biezungderheade
S 43 5300 S-trein (NMBS) Mesjtreech - Èèsjde - Visé - Lúk-Guillemins - Tóngere - Deepebeak - Hasselt 'r Veurt neet ien 't weekend tusse Lúk-Guillemins en Hasselt


Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjtaosie_Èèsjde&oldid=442186"