Sjloek (lekkersj)

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Ingelsje drop
Gesoekerde baerkes

Sjloek of sjlók (sjnoep) ies de verzamelnaam van allemaol lekker zeute dinger, die me kènt ete: zoa-es: babbelaere (zuurtjes), karamels, drop, sjoekelaad, ieskes, kauwgums, bonbons, ulevelle, Wieërters echte, tum-tums, colaflesjkes, Ingelsje drop en pepermuntsjes. Sjloek ies oats óntsjtange es medicien, umdat 'n pil of tablèt aanvankelik tamelik bitter sjmaakde woort 'r 'n soekerläögske umheen gemaak. Luuj vónge dat toen lekker. Aanvankelik waor sjloek allein in appetièke te kriege meh tegewoordig gewoon in de supermert. 't Couven-museum in Aoke, in vreuger tieje 'n appetièk, verkoch in de 18e ièw en 19e ièw sjoekelaad es geneesmiedel tege lösteloosheid. Jakob Couven boewde de appetièk veur de familie Monheim. 't Werkwoord sjloeke sjleit neet allein op zeute sjloek, meh ouch op 't ete van ander lekker dinger zoa-es keukskes, chips, vla, gebekskes, tuurtsjes en sjlaagroum.

Drop ies in Nederland de meis gegete sjloek. Daovan weurt zoan 32 miljoen kilo per jaar gegete. In Belsj ies dat vermoedelik sjoekelaad.

Fabricage[bewirk | brontekst bewerken]

Sjmaak- en kleursjtoffe kènne toegevoog zin aan sjloek um ze beter te laote sjmake of kleurig te laote oetzeen.
Väöl sjloek weurt gemaak op basis van gelatine. Alternatieve sjloek, o.a. veur vegetariërsj, op basis van biejewas.

Fièssjloek[bewirk | brontekst bewerken]

Sjoekelaadfontein in Brusselse sjoekelaterie.

Speciale sjloek huèrt bie speciaal fièste, zoa-es: Sinterklaos en Keersjmes. Bie Sinterklaos huère peperkokemennekes (taai-taai), sjoekeladelèttersj, peperneut en sjpeculaas. In Belsj were allerlei soorte beeldsjes van sjoekelaad gemaak. Bie Paosje huère soeker- of sjoekelade eikes. Bie Keersjmes: keersjkrenskes en bie Nuujjaor: waffele, appelflappe en olieböl.

Ter gelegenheid van 't ing van de Ramadan weurt ummer ‘t Soekerfiès gehoute. Hiebie were dan zeute gerechte en sjoek zoa-es lokum (Turks fruit) gegete en dat geuf me zich ónderein en aan de erm luuj.
Bie ein bar mitswa-viering goaje de vrouwluuj sjloek nao de 13-jaorige naodat dae veur ‘t ièrsj de Thoralaezing haet gedoon.

Versjlaving[bewirk | brontekst bewerken]

Bie bekans ederein ies zin in sjloek waal aanwezig meh dao besjtoon luuj mèt ein sjloekversjlaving. Dit hèlt in dat daegeen väöl sjloek en sóms geit razele es hae of zie gebrek aan soeker haet.

Soorte sjloek[bewirk | brontekst bewerken]

Mèt 32 miljoan kilo ies drop in Nederland de meis gegete sjloek. In Belsj zin sjoekelaad en sjoekelaadproducte ’t meiste gewild. Belsj en Duutsjland zint ouch de groatste leveranceers van alle sjloek wat in Nederlandj weurt gegete.[1]

‘t Volgende sjlókgood kènt waere óngersjeije:

Referenties[bewirk | brontekst bewerken]

  1. nieuws.nl, 3 december 2007, Sjloek kump neet oet Sjpanje meh oet de buurleng
Commons
In de categorie Candy van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjloek_(lekkersj)&oldid=350299"