Sjlaag um de Somme

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Brits loupgraaf tiejesj de Sjlaag um de Somme

De Sjlaag um de Somme (Frans: Bataille de la Somme) waor 'ne sjlaag van 1 juli bies 18 november 1916 tiejesj de Ièrsjte Waereldoorlog tusje, aan de eine kant, 't Vereineg Keuninkriek (VK) (inclusief leng oet de Commonwealth, wie Nuuj-Zièland en Canada) en Frankriek en, aan de angere kant, Duutsjland, naobie de reveer de Somme in 't gelieknamig Frans departemint Somme te Picardië (allewiel in de regio Hauts-de-France) tusje de drie sjtae Albert, Bapaume en Péronne. Hae is ein van de bloojigste sjlage van dae oorlog.

Van Britse kant goof 't 213.000 gewonde en 206.000 doaje of vermisde, van Franse kant 136.000 gewonde en 67.000 doaje of vermiste en van Duitsje kant minstes 170.000 doaje.

't Rizzeltaat van de Sjlaag um de Somme waor minimaal: 't goof 'n technisch strategische impasse die onbesjlies bleef, mèt gein terreinwins veur ein van de sjtrieënde partieë.

't Goof soldaote in dae sjlaag die later hièl bekind zouwe weure, wie Adolf Hitler en Norbert Elias aan Duutsje kant, en J.R.R. Tolkien en Arnold Ridley aan Britse kant.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjlaag_um_de_Somme&oldid=454665"