Sjóttelmesjieng

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Sjóttelmesjieng

E sjóttelmesjieng, vreuger ooch grulesjpeuler, noe ooch wal afwaesjmesjieng of recaentelek ooch vaatwasser geneumd, is e apparaat öm automatisch de sjóttele te waesje.

't Sjóttelmesjieng is oetgevoonde in 1886 dör Josephine Cochrane, 'n Amerikaanse vrów oet Illinois.

De mètste sjóttelmesjienger die hèèm gebroekd werre haant twieë oetsjuufbaar rèkke, oeë de sjóttele ingezat werre. Oonder èder rèk is 'n driejende sjpräöt gemonteerd die hèèt water sput, en daodör de sjóttele weesjt. De örsjte sjóttelmesjienger waore neet gesjikd öm glazer in te waesje. Die krege da 'ne aansjlaag. Ooch gesjir goof probleme wie ópdruuëgvlekke en bie gesjir mèt hote haandvatter loot de verbeending lós. E modern sjóttelmesjieng kan e vool mesjieng in oongeveer oonderhaof oor sjön en druuëg make.

E sjóttelmesjieng haat waesjmiddele in de vörm va poejer of tablètte nuëdèg öm de sjóttele sjön te make. Ooch haant sjóttelmesjienger glaansmiddele nuëdèg, öm 't glaas te laote glanze en de sjóttele baeëter te laote druëge, en zaot öm 't water te oontharde. Sommige tablètte bevatte twieeë of driej van dis functies. Dis reinigingsproducte zeunt väöl te sjtaerk vör handmatig sjóttele waesje en sjlech vör de hoed. Es 'ne kaeëtel forsj is aa-gebraand kan me dem waal laote weke in mesjiengswaesjmiddel.

In groeëter käöekes, zowie bie bie restaurante, congrescentra of mensa's, wert dèk gebruukgemakd va groeëter sjóttelmesjienger. Die haant dèk 'ne rólbaand oeë 'de sjóttele an ene kaant óp werre gezat, en an d'r aandere kaant wer sjön d'r oet kaome. Dis mesjienger waesje de sjóttele dèk al in 5 à 10 minute.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjóttelmesjieng&oldid=340927"