Simon Pieter Ernst

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Simon Pieter Ernst (Aubel, Belsj: 2 augustus 1744 - Afden, noe 'ne kern in de Duutsje gemèngde Herzogenrath: 11 december 1817) waor kannunik va Kloosterrade, nao d'r Fraanse tied Rolduc geneumd.

Laevesloop[bewirk | brontekst bewerken]

Ernst is gebaore in d'r haof Bruynenmorgen, effe boete 't centrum, richting De Kloes, in Aubel. Oorsjpronkelek waor 't geboew in vakwaerk opgetrokke, in 1778 waoërt 'ne baksjtènge moeër vör de rechterziej van d'r gèvel gezat en in 1955-56 waoërt d'r haof grondig gerestaureerd. D'r vader van Ernst waor griffier van Aubel en lid van de Sjtaote van Dalhem.
Op 17 september kreeg Simon Pieter bie de Augustiene in Kloosterrade z'n kloeësterklèèd en op 17 augustus 1764 lag-e z'n gelofte aaf. Op 23 september 1769 waoërt-e in Luuk töt preester gewiejd en in 1774 waoërt-e in d'r abdij beneumd töt professor in de theologie. In z'n theologische opvattinge sjtong-e gaans in de rigoristische traditie, die in Kloosterrade saer de hervorming van 1680 gold. Abt Chaineux von 'm evvel al te rigoristisch en droog 'm in 1787 bie d'r aardsbisjop va Kölle vör vör de vacante pesjtoeërsplaatsj in Afden. De beneuming von plaatsj op 7 maart 1787. Ernst waor te väöl wetensjapper en te wènnig zeelzörger öm gelökkig te kènne zieë mèt dis besjlissing.
Op 14 december 1817 waoërt Ernst begrave op d'r kèrkhof van z'n parochie Afden. 't Graaf is d'r neet mie, waal 'n herdeenkingsplaquette in d'r moeër van de kèrk. Nao z'ne doeëd voond me in z'n pastorie 'n kis vool mèt middelieëwse origineel manuscripte, ooch d'r Annales Rodenses, die e vör de Fraanse verborge how gehaowe.

Fraanse tied[bewirk | brontekst bewerken]

Bie 't opheffingsdecreet va 1 september 1796 waoërt ooch Kloosterrade opgehaove. Ernst zow informeel d'r väörmaan en sjpraeëker werre van z'n medebroeders en e how groeëte en besjlissende invloed op de koers die de gèselekhèèd in de wiej ömgaeving zow aa-haowe.

Waerk[bewirk | brontekst bewerken]

Histoire du Limbourg, 20 jaor nao ziene doeëd oetgegaeve, 'n 7 dele tèllende historie van 't Hertogdom Limburg mèt in deel 7 d'r 1sjte drök van d'r Annales Rodenses.

In dèèl 1, blz 330 zaet Ernst dat Villa Furonis, dae gewoeënlek in Voere geplaatsjd wert, mäögelek in S'n Maeëte loog. Vermits plaatsjname aafkomstig va watere owwer zeunt es plaatsjname geneumd nao hèllige en o.m. de etymologie van ge Vitsje, keumt Leerssen töt de conclusie dat d'r Merovingische/Karolingische villa in Voere loog. Dit is ooch de plaatsj oeë Hubertus mäögelek gesjtóve en gebaore zów zieë.

Externe leenk[bewirk | brontekst bewerken]

Bronne[bewirk | brontekst bewerken]

  • Joep Offermans, De abdij Kloosterrade-Rolduc 1104-1830, 2003 ISBN 905966 017 X
  • A.E.M. Janssen, De betrokkenheid van Simon Pieter Ernst bij de abdij Rolduc, Drijfveren en activiteiten van een gewetensvol handelend kanunnik, in PSHAL 900 jaar Rolduc 2004, ISSN 0167-6652
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Simon_Pieter_Ernst&oldid=349775"