Sigrèttenheljer

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'ne Sigrèttenheljer is 'n attribuut veur bie 't roukes det veural vanne jaore 1910 toete jaore 1970 woort gebroek. 't Waas veural in zwang bieje vrólje. Sigrèttenheljers woorte gemaak van zèlver, jaad of bakeliet. In 't piepke zaat onne filtjer wodoor de rouk minder zwaor woort.

't Gebroek vannen heljer waas veur oetereinloupendje praktische inj, wie 't verkómme van 't valle van as oppe kleier, 't eweghaje van rouk oete ougen en óngeren hood, 't verkómme van gael naegel, tenj of hase door nicotien, 't verkómme det 't pepier vanne sigrèt ane luppe blief plekke, 't verkeulen en verzaachte vanne rouk en 't verkómme van stökskes toebak die inne móndj terech kónne kómme.

Mitte opkóms vanne filtjersigrèt inne jaore 1960 leep de populariteit vanne sigrèttenheljer trögk. Allewiel zuutj me sigrèttenheljers denouch bao nimmieë, al waere zie nag waal gemaak. In sómmige toebakszake kan me die nawwel vinje.