Toebak

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Pieptoebak.

Toebak is e perduk aafkómstig vanne blajer vanne toebaksplantj Nicotiana tabacum, det es genótsmiddel wuuertj gerouk, gekawdj (gepruump) en gesnaove.

De toebaksplantj is 'n einjäörige plantj, die in 't algemein op groeate plantaasjes wuuertj verboedj. Det verboewe neump me de toebaksteelt.

Roukbaar vörm van toebak zeen shag, sigarette, sigaren en pieptoebak; veur 't snoeve wuuertj toebak toet snoeftoebak gemaolen en veur te kawwen es proemtoebak verkóch. Wiedeweg de meisten toebak wuuertj aevel es sigarette geconsumeerdj. Ènj neugentieëndjen ieëf en begin twintjigsten ieëf waas 't prumen en snoeve van toebak de populairste vorm van toebaksbroek inne wèsterse werreld.

't Rouke van toebak kan verslavendj wirken en is óngezóndj. Zoea kan 't ónger anger lóngkanker en hert- en vaatgekrenkdje veroearzake. Daoveur is in väöl lenjer 'n streng regelgaeving rónjelóm toebak opgezatte, veur 't gebroek te óntmeujige.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Toebak&oldid=390686"