Ruge waegbrei
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Ruge waegbrei (Plantago media) is 'n plantjesaort oete waegbreifemielje (Plantaginaceae). In Nederlandj is dees saort vrie zeldjzaam en sterk trögkgevalle. De plantj greutj op temmelik druueg, grazige plaatse, wie weilenj, dieken en grave. De plantj haet 'n veurkäör veur kalkhajendje gróndj. De saort geliek oppe rup (Plantago major), mer haet betrèkkelik toebehaordje blajer, die daodoor griezig greun van kluuer zeen.
De blajer zeen elliptisch of get lankwirpig. Ze loupe smaal aaf in 'ne korte blaadsteel. 't Blaadrozèt ligk meistes kort oppe gróndj.
De bloomskroean is witsig. De maeldräöj drage leechpaarse helmknuup. De aorstele zeen langer es de blajer. De blome zeen alikszins reuketig, woropaan insekte kómme. De plantj haet aevel allein stuufmael en geine nekter. Naeve de bestuving via insekte, vindj ouch windjbestuving plaats, wie bieje ganse res vanne waegbreifemielje ouch veurkump. De bleujperiood löp van mei toet augustus.
De ruge waegbrei druueg 'n doeasvröch die normaliter veer zäödjes bevatj.