Rots

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

De rots Falkenstein in "Saksisch Zwitserlandj", in Duutsjlandj.

'n Rots of róts is 'n groate samehangendje steinmassa die döks opvallendj hoag baove 't mejveldj oetstèk. 'n Bekandje rots is Ayers Rock in de midde van Australië.

Ein van de groate rotsberg op de aerd zint de Rocky Mountains. In Monument Valley bevinje zich veurbiljer van rotsmassa's, wie zule en taofelberg, die nao 'n lankdoerige erosie es huègdje in 't landjsjap zint achtergebleve.

Ouch vulkane producere rotsklimp die bie 'n haevige eruptie wie "bómme" waere oetgeworpe.

In versjillendje lenjer zint rotsformaties wie in:

• Frankriek (De Cevenne, wie Chaos de Montpellier-le-Vieux);
• Tsjechië (Boheems Zwitserlandj, wie Pravčická brána en Panská skála, en 't Boheems Paradies, wie Prachovské skály);
• Luxembörg (Mullerthal).

Rotse zint geleefdje objekte veur bergklummers veur te bestiege. Ze kónne in drie houfgruup waere ingedeildj: kalkstein, zandjstein en graniet.