Erosie

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Erosie is 't percès van slietaasj van 'n vaste oppervlakde wobie matterjaal wuuertj versjaove of gans verdwientj. Oppe aerd gebeurt erosie veural dore wirking vanne windj, struimendj water en ies, mer ouch óngewuuener vörm van erosie zeen meugelik es e gevolg van vólkanisme en inslaeg.

Erosie is e fenomeen mit 'n netuurlike oearzaak det in eder geologisch tiedpirk optruuedj. Miensjelike aktiviteite kónnen 'n erosiepercès versterke, wie door 't kappe van busj en 't kaalhaje vanne baom door ploge. Erosie mót me neet verwarre mit verwaering. 't Versjil tösse erosie en verwaering is det bie erosie de gróndj wuuertj versjaove, dewiel bie verwaering de gróndj waal in stökskes brèk (mechanische verwaering) of sjemisch verangertj (sjemische verwaering), mer oppe zelvendje plaats blief. Waal is 't zoea det verwaerdje gróndj väöl mekkeliker erodeertj.

Erosie wuuertj döks ouch toegepas op anger fenomene, wie tandjerosie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Erosie&oldid=374130"