Roethenië

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


't Kievse Riek, 't land van de Roes

Roethenië (Aldrussisch: Рѹсь of Рѹсьскаѧ землѧ, en spellingvariante; Latien: Ruthenia; Duits: Reußen, Reussen) is 'n historische regio in Oeës- of Centraal-Europa op 't gróndgebeed van Rusland, Wit-Rusland, Oekraïne en Pole. Heej woeënde Slavische en Finse volke. De naam kump van 't Aldrussische Рѹсь (Roes), wat dinkelik róssig beteikent of is aafgeleid van 't Aldnoordse roðer (roejer). Vanaaf de 8e ieëw ónstónd de handelsroute van de Varjage, Vikinge oet 't zude van Zwaede. Dees route verbónd Scandinavië mit 't Byzantiens Riek en halverwaeges loog de stad Kiev. Dao stichde d'n hierser Oleg de Wieze 't Kievse Riek.

De historische regio kint in de volgende gebede waere ónderverdeild:

  • Wit-Roethenië: dit is 't gebeed wat me huuj Wit-Rusland of de Belarus nump
  • Zwart-Roethenië: dit gebeed loog in 't oeterste zuudweste van de Belarus
  • Roeëd-Roethenië: 't gebeed in 't weste van de Oekraïne en 't zuudoeëste van Pole

In de loup van de 20e ieëw woort de naam dökker beperk tot de regio Transkarpatië, det hielemaol in 't weste van de Oekraïne leet en historisch gezeen tot 't Roeëd-Roetheens gebeed behuurt. Dit gebeed nump me ouk waal Karpato-Roethenië. Sommige Roethene in die regio beschouwe zich es 'n zelfstendig volk en ievere veur mier zelfstendigheid.

Zeen ouk[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Roethenië&oldid=444464"