Robert Cailliau

Van Wikipedia
Gank nao: navigatie, zeuke
Dit artikel is gesjreve in 't Kinders. Ómdat 't plaatsgebónge is, maogs doe 't ómzètte nao 't Tungers, as te dit dialek sjpriks.

Robert Cailliau

Robert Cailliau (26 januari 1947) is ein vanne óntwikkeleers van 't World Wide Web (WWW).

Cailliau is gebore in Tóngere, Bèlsj. In 1958 verhuusjde hae met zen ouwers nao Antwerpe. Hae sjtudeerde in 1969 aaf es burgelik inzenjeur aanne Rieksuneverseteit van Gent. Hae hèt ouch 'n MSc vanne University of Michigan in Computer, Information en Control Engineering 1971.

In December 1974 begos hae te wirke bie 't CERN in Zwitserlandj inne Proton Synchrotron (PS) aafdeiling. Hae wirkde dao aan 't kentrol sesteem vanne versjneller.

In 1989 dege hae en Tim Berners-Lee allebei apaart e veurstel veur 'n hypertext sesteem ómme CERN dokkemènte gemekkeliker te kenne raadplege op versjillige kómpjoeters. Oetèntelik sjreve ze same 'n veurstel in 1990. Dét projek greujde later ôwt tot 't World Wide Web.

Hae orgenezeerde ouch de ierste International WWW Conference in mei 1994 aan 't CERN en heelp de web-óntwikkeling van 't CERN nao 't W3C euver te bringe. Hae verleet CERN in 2005.

Robert Cailliau is synaestheet: hae zuut lètters es kleure. Veur him is de lètter W greun. Daomit woor 't WWW logo door hum greun gekoze.

Prieze[bewirk | brontekst bewerken]

  • ACM Software System Award (mèt Tim Berners-Lee), 1995
  • Plantin Pries Antwerpe, 1995
  • Dr. Hon. Southern Cross University, 1999
  • Dr. Hon. Rieksuneverseteit van Gent, 2000
  • Médaille Genève Reconnaissante (mèt Tim Berners-Lee), 2001
  • Kómmendeur inne Orde van Keuning Leopold, 2004

Wirke[bewirk | brontekst bewerken]

  • How the Web Was Born: The Story of the World Wide Web, James Gillies, Robert Cailliau (Oxford Paperbacks, 2000) ISBN 0192862073

Extern linke[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Robert_Cailliau&oldid=349733"