Rob Brouwers
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Rob Brouwers (1941-2016) waor 'ne kunssjilder oet Belsj. In 1941 woort 'r gebore in Sintruin in Vlaandere. Hae greujde op in Voere, ièrsj in Luuk en saer 1963 in Belsj Limburg. Van 1958-1962 waor hae fietsrenner. Hae volgde in diezelfde jaore de sjtadsacademie (kunsnieverheidssjoal) in Mestreech. Daonao de Jan van Eyckacademie, ouch in Mestreech. In 1970 trouwde Brouwers mèt Maria Demollin oet Noorbaek. Ze krege 4 kinger. Hae wèrkde in 't ónderwies en woort later directeur van de sjtiechting "Vrije uren". Vanaaf 1977 waor 'r full-time kunssjilder. Hae blief daoneve ouch fietse. Tösje 1985 en 1990 maakde hae tochte op de fiets nao de Alpe, Pyreneeë, Zjwitserland, de Dolomiete, de Apenijne, de Vogeze, Andalusië en de Sierra Nevada. In 1997 'ne fietstoch nao Santiago de Compostella, in 2000 nao Lourdes, in 2002 nao Berlien, in 2003 vanoet Dresden door Zuud-Pole en WesTsjechië en in 2004 nao Regensburg.
Sjtiel
[bewirk | brón bewèrke]
Rob Brouwers sjilderde väöl (portrètte van) luuj oet de umgeving, meh ouch oet aafgelege sjtreke en oet de waereldpolitiek. 'n Ander thema, veural in de lètste 20 jaor, waor de groepsexpressie. De sjtiel ies figuratief expressionistisch. Hae góng oet van kleure, impressies en geveules. Hae waor geine fiensjilder, gebruukde väöl kleure. Zien werk waor arbeidsintensief. Hae kretsde zoa lang kleure en laoge weg tot 'ne sjoane óndergrónd waor óntsjtange. Dao-op woort wiejer geteikend en gesjilderd.
Tentoansjtèllinge
[bewirk | brón bewèrke]
- 1971 solotentoansjtèlling in 't gemeintehoes van Sjlennich (Slenaken).
- 1973 solotentoansjtèlling in Leide
- 1975 solotentoansjtèlling in Heële in de Caumermeule
- 1981 solotentoansjtèlling in Kirchroa in de Hof van Ehrenstein
- 1984 solotentoansjtèlling in Genk en Voere
- 1985 solotentoansjtèlling in Mestreech
- 1991 solotentoansjtèlling in Sintruin, retrospective Brouwers 50 mèt catalogus
- 1993 solotentoansjtèlling in Heële
- 1994 solotentoansjtèlling in Gulpe
- 1996 solotentoansjtèlling in Uèrmend in t'Terpkèrkske
- 1999 solotentoansjtèlling in Èèsjde (Eysden) in 't gemeintehoes, mèt oetgaaf van 'n book "Uit Eysdens verleden, 40 jaar kunstschilder"
- 2001 solotentoeënsjtèlling in Voere in 't kader van de fieëstelekhede roond de instalatie van de Vlamsje mieërderheed in d'r gemingderaod.
- 2006 Solo-euverziechstentoansjtèlling in de Piramide in Gulpe t.g.v. zien 65e verjäördaag mèt de oetgaaf van de monografie Rob Brouwers, grensganger
- 2006 Pries van de Vlaamse Culturele Raad van Voere.