Rob Brouwers

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Rob Brouwers op expositie in Gulpe in 2006

Rob Brouwers ies 'ne kunssjilder oet Belsj. In 1941 woort 'r gebore in Sintruin in Vlaandere. Hae greujde op in Voere, ièrsj in Luuk en saer 1963 in Belsj Limburg. Van 1958-1962 waor hae fietsrenner. Hae volgde in diezelfde jaore de sjtadsacademie (kunsnieverheidssjoal) in Mestreech. Daonao de Jan van Eyckacademie, ouch in Mestreech. In 1970 trouwde Brouwers mèt Maria Demollin oet Noorbaek. Ze krege 4 kinger. Hae wèrkde in 't ónderwies en woort later directeur van de sjtiechting "Vrije uren". Vanaaf 1977 ies 'r full-time kunssjilder. Hae blief daoneve ouch fietse. Tösje 1985 en 1990 maakde hae tochte op de fiets nao de Alpe, Pyreneeë, Zjwitserland, de Dolomiete, de Apenijne, de Vogeze, Andalusië en de Sierra Nevada. In 1997 'ne fietstoch nao Santiago de Compostella, in 2000 nao Lourdes, in 2002 nao Berlien, in 2003 vanoet Dresden door Zuud-Pole en WesTsjechië en in 2004 nao Regensburg.

Sjtiel[bewirk | brontekst bewerken]

Indruk van 't atelier op de expositie in Gulpe 2006

Rob Brouwers sjildert väöl (portrètte van) luuj oet de umgeving, meh ouch oet aafgelege sjtreke en oet de waereldpolitiek. 'n Ander thema, veural in de lètste 20 jaor, ies de groepsexpressie. De sjtiel ies figuratief expressionistisch. Hae geit oet van kleure, impressies en geveules. Hae ies geine fiensjilder, gebruuk väöl kleure. Zien werk ies arbeidsintensief. Hae krets zoa lang kleure en laoge weg tot 'ne sjoane óndergrónd ies óntsjtange. Dao-op weurt wiejer geteikend en gesjilderd.

Tentoansjtèllinge[bewirk | brontekst bewerken]

Euverziechsexpositie in Gulpe 2006
  • 1971 solotentoansjtèlling in 't gemeintehoes van Sjlennich (Slenaken).
  • 1973 solotentoansjtèlling in Leide
  • 1975 solotentoansjtèlling in Heële in de Caumermeule
  • 1981 solotentoansjtèlling in Kirchroa in de Hof van Ehrenstein
  • 1984 solotentoansjtèlling in Genk en Voere
  • 1985 solotentoansjtèlling in Mestreech
  • 1991 solotentoansjtèlling in Sintruin, retrospective Brouwers 50 mèt catalogus
  • 1993 solotentoansjtèlling in Heële
  • 1994 solotentoansjtèlling in Gulpe
  • 1996 solotentoansjtèlling in Uèrmend in t'Terpkèrkske
  • 1999 solotentoansjtèlling in Èèsjde (Eysden) in 't gemeintehoes, mèt oetgaaf van 'n book "Uit Eysdens verleden, 40 jaar kunstschilder"
  • 2001 solotentoeënsjtèlling in Voere in 't kader van de fieëstelekhede roond de instalatie van de Vlamsje mieërderheed in d'r gemingderaod.
  • 2006 Solo-euverziechstentoansjtèlling in de Piramide in Gulpe t.g.v. zien 65e verjäördaag mèt de oetgaaf van de monografie Rob Brouwers, grensganger
  • 2006 Pries van de Vlaamse Culturele Raad van Voere.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Rob_Brouwers&oldid=349726"