Raengerwaad

Van Wikipedia
(Doorverweze van Regewoud)
Naar navigatie springen Jump to search

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Oetzich euver e raengerwaad in Maleisië.

E raengerwaad is e bebós ecosysteem worin väöl raenger vèltj, 't gans jaor door. Es minimum wuuertj doorgaons 1700 toet zelfs 2500 millimaeter aan raenger aangehaje veur e raengerwaad, mit e bepaoldj minimum de maondj: es raenger óngeliek euver 't jaor verdeildj is kan spraok zeen van e moessonbós. E nevelwaad kan aeve naat zeen es e raengerwaad, mer 't water kump in 'n anger vorm.

Naeve de groeate wieväölheid aan raenger waere raengerwajer gekènmirk door 't groeat aantaal aan deersaorte det dao laef enne enorm biodiversiteit. Dees diversiteit is kènmirkendj veur väöl oerbós of oerwaad.

Veurkómme[bewirk | brón bewèrke]

Raengerwaad kan waeren aangetróffen in zowaal gemaotigdje es in troeapische klimate. In det litste geval is spraok van e troeapisch raengerwaad.

De grótste troeapische raengerwajer zeen 't Amazoneraengerwaad in 't Amazonebekke, inne gebiede róndje aevener in Congo en in Indonesië.

Gemaotigdje raengerwajer kómme veur in Naord- en Zuud-Amerika, in Oceanië, in veurmaolig Joegoslavië, in Georgië, in Sjina en in Japan.

Cambodja besteitj veur óngevieër 52% oet raengerwajer. 't Eilandj Saba is begreudj mit secundair raengerwaad. 't Centraal plateau in 't zuje van India kèntj 'n begreujing van paumbuim mit raengerwaad nao de raengerechtige zuudwèskös haer. De raengerwajer beslaon óngevieër 14% vanne totaal landjoppervlakdje.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Raengerwaad&oldid=358382"