Rabindranath Tagore

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Rabindranath Tagore.

Rabindranath Tagore, of Thakur (Calcutta, 7 mei 1861 - Calcutta, 7 augustus 1941) waas 'ne bekèndjen dichter, roman- en toneelsjriever. Daoboete waas t'r d'n ieësten Indiase winner vanne Nobelpries.

Tagore woort op 7 mei 1861 gebaore tiejes de Britste koloniaal euverhieërsjing van India in 'n rieke brahmaanse femielje, die in Calcutta wóndje. Zie vader, Debendranath Tagore (1817-1905) waas 'nen tied lang eine vanne leiers vanne Brahmo Samaj. Zie moder, Sarada Devi, stórf wie Rabindranath nag jónk waas. In 1883 troedje d'r mit Mrinalini Devi (gebaoren es Bhabatarini), die doe tieën jaor aad waas. Zie krege vief kinjer, wo slechs ei vólwasse van woort. Mrinalini Devi zelf stórf in 1902.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rabindranath_Tagore&oldid=450573"