Provinciale waeg 280

Van Wikipedia
Naar navigatie springen Naar zoeken springen

Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.


N280
De provinciale waeg 280 in Midde-Limburg
T'n weste van Remunj is nog dudelik te zeen det de waeg oets 'n autobaan waor

De provinciale waeg 280 is 'ne door de provins Limburg beheerde waeg tösje Wieërt en de Pruse grens kórtbie Remunj, woe hae euvergeit in de A52. E gedeilte van dizze waeg, aan bei zieje van 't Lateraalkanaal Lin-Bögkeme, is oersjprunkelik es autobaan A68 aangelag gewaore. Nao euverdrach ane provins hoot dit sjtök nog inkel jaore A280, mer 't woort oetintelik 'nen autowaeg.

't Anger tracé tösje Remunj en de grens mit Pruses woort ómgeboewd in 2007. 't Nuuj autowaegtracé ligk noe naeve 't aaj. 't Aaj is huuj e 60 kilomaeter-waegske mit versjmallinge en hóbbele. De waeg haet 'n lengde van óngevaer 26 kilomaeter en is 'n wichtige oes-wesverbinding inne regio Midde-Limburg.

Toekóms[bewirk | brón bewèrke]

T'n naorde van Remunj, tösje 't centróm en 't Designer Outlet Centre, is de waeg nog oetgeboewd mit geliekvloerse krusinge en sjtopleechte. De gemeinte Remunj is van plan óm de doorsjtruiming te verbaetere door 't doorgaond verkier tösje de St. Wirosingel en kruuspunt Hateboer en 't verkier det inne sjtad mót zeen, vanein te sjeije. Op twie plekke kin 't plaatselik verkier de huidriebaan euversjtaeke. Op dees plek weurt de N280 verdeep aangelag. Op 24 jannewarie 2018 haet de Raod van Sjtaote bezjwaore taege 't plan óngegróndj verklaord. D'n aanlègk begint in 't naojaor van 2018 en geit drie jaore doere.[1]

Doanaeve zal 't waeggedeilte tösje de krusing mit de Napoleonsbaan en d'n A2 vernuujd waere. 't Geit óm mierder klein aanpassinge die zich richte op verkiersveiligheid en de bereikbaarheid van landjboewpercele, woeninge en bedrieve. D'r waere twie rotondes aangelag ter huugde vanne krusing N280/N273 en ein op de krusing N273/N279.[2]

Trajek[bewirk | brón bewèrke]

Punt in trajek Aansjleting
AS-skrzyzowanie-icon.svg Wieërt
Italian traffic signs - città.svg Wieërt
AS-skrzyzowanie-icon.svg Wieërt-Moesdiek Ring Wieërt Nederlands verkeerssymbool - binnenstedelijke ring.svg
AS-tory-icon.svg Sjpaorlien Wieërt-Remunj
Logo toerit.svg 40 Eindjhove, Mesjtreech A2
AB-Fluss.svg Kanaal Wèssem-Ni-jwieërt, Kelperbrök
AS-skrzyzowanie-icon.svg Kelpe-Oler
Italian traffic signs - città.svg Baoksem
AS-rondo-icon.svg Baoksem
AS-skrzyzowanie-icon.svg Graotem
Nederlands verkeersbord G3 zb.svg
AB-AS.svg Aafsjlaag Hale N273
AB-AS.svg Aafsjlaag Häör
AB-Fluss.svg Lateraalkanaal Lin-Bögkeme
AB-Fluss.svg Maas, Maasbrök bie Remunj
Nederlands verkeersbord G4.svg
Italian traffic signs - città.svg Remunj
Logo toerit.svg 19 Venlo, Mesjtreech A73
Nederlands verkeersbord G3 zb.svg
AB-AS.svg Aafsjlaag Azeraoj
Flag of Germany.svg EU-Icon.svg Grenseuvergang Duutsjlandj A52

Trivia[bewirk | brón bewèrke]

De aansjleting van de N280 oppe A2 bie Kelpe-Oler haet de vörm van 'ne knaok. Dit is 'n saort langgerèkde rotonde. Ze waor de ierste in häör saort in Nederland.

Weblinks[bewirk | brón bewèrke]

Brónne[bewirk | brón bewèrke]

  1. Provincie Limburg - N280 Roer­mond
  2. Provincie Limburg - N280 West - weg­vak Leu­dal
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Provinciale_waeg_280&oldid=434784"