Plovdiv

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Plovdiv
Kollaasj vaan Plovdiv

Plovdiv, in 't Bölgaors-Cyrillisch sjrif Пловдив (historisch: Philippopolis) is de twiede stad vaan Bölgarije. Ze is de hoofstad vaan de Zuid-Bölgaorse planregio Zuid-Centraol Bulgarije en d'n oblas Plovdiv, en ze ligk in de historische regio vaan Thracië. Ze had 'n bevolkingsaontal vaan 366.364 op 15 miert 2022. Plovdiv weurt gezeen es de cultureel hoofstad vaan Bölgarije, wijl Sofia de ikkenomische en polletieke hoofstad is. Plovdiv is daoneve ouch lètterlek Europese culturele hoofstad gewees, in 2019. Zie vörmp e belaangriek centrum veur ikkenemie, cultuur en educatie.

Plovdiv is gesitueerd in 'ne vröchbaore regio aon twie kante vaan de Maritsa, 'ne revier. De stad heet ziech historisch oontwikkeld op seve berg, boevaan de hoegste 250 meter is. Umwèlle vaan dees berg weurt Plovdiv in de Bölgaorse volksmoond ouch wel de Stad vaan de Zeve Berg geneump. 't Gief bewies tot 't hei al lui goof roond 6000 v.Chr.. De stad is bewoend gewees door Thraciërs, Perze, Macedoniërs, Kelte, Roemeine, Byzantijne, Gote, Hunne, Bölgaore en Ottomaone (inclusief Törke).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Plovdiv&oldid=454199"