Pinatubo

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De oetbersting vanne Pinatubo op 12 juni 1991.

De (Mount) Pinatubo is 'nen aktieve volkaan op 't Filipiens eilandj Luzon oppe grenze vanne pervinsjes Zambales, Bataan en Pampanga. Toet 1991 waas de berg ónopvallendj en zwaor erodeerd. De berg waas bedèk mit toe bus wo e paar doezjend Aeta's wóndje. Die hawwe dao häör toevlöch gezóch vanoet 't lieëglandj wie de Spanjoeale vanaaf 1571 Luzon vereuverdje.

De oetbersting van juni 1991 waas de ieëste nao viefhóngerd jaor tied en waas ein vanne grótste en explosiefste oetberstinge vanne twintjigste ieëw. Me wós de oetbersting mit succes te veurspèlle wodoor me nag tieëndoezjende luuj kós evacuëre. d'n Ómligkendje gebiede woorte hieël zwaor aangetas door pyroclastische struime, asraenges en later ouch lahars (heite módderstruime).

De wieväölheid fienstóf waat vriekwaam inne stratosfeer zörgdje werreldwied veur maondje lang veur e verhuueg zwaevelzoergehalte. Ouch zakdje d'n temperatuur gemiddeldj 0,5 °C en woort de aafbraak vannen ozon versneldj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pinatubo&oldid=445301"