Pilvaarn

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Pilvaarn.
Pilvaarn mit sporocarpe.

De pilvaarn of pilvare (Pilularia globulifera) is 'n euverblievendje plantj die behuuertj toete pilvaarnefemielje (Marsileaceae) en kump van netuur veur in Europa. In Nederlandj steit de plantj oppe roeaj lies es zeldjzaam en aafnummendj in aantaal. 'n Limbörgse plaats wo de plantj veurkump is 't Reigelsbrook bie Mofert.

Naamgaeving en etymologie[bewirk | brón bewèrke]

  • Duutsj: Gewöhnlicher Pillenfarn
  • Frans: pilulaire, boulette d'eau
  • Ingels: pillwort
  • Nederlandjs: pilvaren

De botanische naam Pilularia is aafgelèdj gewaore van 't Letiens pilula "kleine bal", nao de vorm vanne sporocarpe. De saortaandujing globulifera is aafkumstig van 't Letiens globulus "kleine bol" en ferre "dragendj".

Kènmirke[bewirk | brón bewèrke]

De blajer zeen toet 4 à 15 cm hoeag, draoddón, leechgreun en oetloupendj in e fien puntj. Oppe wintjer sterve dees deils aaf. De plantj vörmp iel matte van ónvröchbaar blajer. Van julie toet september waere de späör gevörmp in 'ne bol- of pilvörmige sporocarp dae ane voot vanne blaadbunjelen óntspringk. De späör zeen gaelgries en later zwertsig.

Laefgebied[bewirk | brón bewèrke]

De plantj kump veur op plaatse die oppe zomer gans of deils druuegvallen op zandj- en leimgrunj, mit naam in släöt, vinne, aafgravingen en kerrespäör mit water det erm is aan fosfaat en carbonaat. De saort is geveulig veur kónkurrensje en kump veurnamelik veur in saorterm begreujinge.

Taxonomische indeiling[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pilvaarn&oldid=424725"