Pieter Zeelen

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Pieter Zeelen bieje Thunders (linksveur).

Peter Karel Joannes (Pieter) Zeelen, inne vouksmóndj bekindj es Pieter van Sef vanne Seel (Mofert, 17 jannewarie 1944 - Mestreech, 19 december 2019) waas 'ne Nederlandjs-Limbörgse zenger en muzikant dae veural bekindj is vanne beatband The Thunders.

Inne jaore sèstig wós t'r mit ziene band door te braeken es eine vanne ieëste rockbands van Nederlandj. Veural 't ruug uterlik enne wilje meziek maakdje häör populair. Pieter veel zelf veural op doordet t'r van zien gebaorte aaf blindj waas, wodoor d'r ouch ummer 'ne zónnebril op haw, en destieds gólj es eine vanne bèste gitariste van Nederlandj. Mit naam veur zie gitaarspel woort t'r väöl gevraog es gasmuzikant, worónger bie Golden Earring en Roy Orbison.

Naodet Pieter oppe buun stóng góng d'r wiejer inne meziek door 't opnumme van veural vastelaovesleedjes en anger bóntjenaovendjmatterjaal, mer ouch anger Limbörgse artieste maakdje opname bie 'm in ziene studio. Same mit Marc Latte sjreef Zeelen e good deil bekindje Remunjse vastelaovesleedjes.

Zeelen stórf op 75-jäörige laeftied op 19 december 2019 naodet t'r ernstig krank waas gewore.

Brónne[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pieter_Zeelen&oldid=439995"