Pierre Kemp

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Beeldsje van Pierre Kemp in 't sjtadspark van Mestreech.

Pierre Kemp waor 'ne Limburgse sjriever/diechter, dae sjreef in 't Nederlands. Gebore in Mestreech op 1 december 1886 en gesjtorve in Mestreech op 21 juli 1967. In 't dageliks leve waor hae ièrsj wèrkzaam op de Société Ceramique. In 1915 ging hae ein jaor bie dagblaad De Tijd in Amsterdam lière veur lièrling-journalis. Meh hae kreeg heimweh. Van 1916 tot 1945 wèrkde hae bie de koel Laura in Eygelshoven es loanadministrateur. Op weeg nao zien werk, mèt de trein nao Eygelshoven, sjreef hae de nuèdige gediechte.

Ouch maakde Pierre Kemp teikeninge en sjilderieje. In 1975 waor d'r in 't Bonnefantemuseum 'n expositie van zien werk. 'ne Broor van häöm, Mathias Kemp waor ouch diechter/sjriever.

Pries[bewirk | brontekst bewerken]

  • 1954 - Poëziepries van de gemeinte Amsterdam veur zien gediechte
  • 1956 - Constantijn Huygenspries veur zien oeuvre
  • 1958 - P.C. Hooftpries veur zien oeuvre
  • 1959 - Culturele pries van Limburg veur zien oeuvre

Werk[bewirk | brontekst bewerken]

  • Zien debuut es diechter houw Pierre Kemp in 1910.
  • Het wondere lied (1914)
  • De bruid der onbekende zee en andere gedichten (1916)
  • Carmina Matrimonalia (1928)
  • Stabielen en passanten (1934)
  • Fugitieven en constanten (1938)
  • Transitieven en immobielen (1940)
  • Pacific (1946)
  • Standard-book of classic blacks (1946)
  • Phototropen en koctophilen (1948)
  • Romanie (1948, óngepubliceerd)
  • Forensen voor Cythère en andere gedichten (1949)
  • Engelse verfdoos (1956)
  • Vijf families en één poederblauw (1958)
  • Garden, 36, 22, 36 inches (1959)
  • De incomplete luisteraar (1961)
  • Perzische suite (1965)
  • 'n Bekènd book van häöm versjeen in 1925: Limburgse sagen en legenden

Limburgse bewèrking[bewirk | brontekst bewerken]

Op 'n selectie sages en legendes van Pierre Kemp maakde de Limburgse beeldhouwer Paul Latour leedtekste in 'n soort Maaslands dialek veur troubadour Bert Diederen, dae die es troubadour zou zinge op de LP Aud-Nuets in 1979.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Pierre_Kemp&oldid=349648"