Mathias Kemp

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Mathias Kemp (gebore 31 december 1890 - en gesjtorve 7 augustus 1964 in Mestreech) waor 'ne Limburgse diechter/sjriever in 't Nederlands. In zien dageliks leve waor hae iersj wèrkzaam op de Ceramiek, daonao bibliothecaris, free-lance journalis en wèrkzaam in 't oetgeversjbedrief. Hae waor 'ne broor van sjriever/diechter Pierre Kemp.

Saer 1958 weurt aan 'ne literaire sjriever of diechter oet Belsj Limburg en/of Nederlands Limburg de Mathias-Kemppries oetgereik.

Sjtiel en thema's[bewirk | brón bewèrke]

Zien inspiratiebrónne zin 't katholiek gelouf en de leefde tot zien geboortesjtreek. Hae sjreef neve gediechte 'n aantal novelle, romans, toneelsjtökker en euver 't Limburgs leve: cultureel, historisch en economisch. De poëzie van Mathias Kemp ies zien eigelike leveswerk, zie maak ouch 't bèste deil oet van zien gans oeuvre. Dao were 13 bundels gepubliceerd. In eder deil ies de diechter minstens interessant door 't visionair element. Nao de ièrsjte deile mèt romantische sjilderinge van super-aerdse sjoanheid ies ouch de actualiteit in zien gediechte gekómme. Hae bleef die kritisch bekieke en besjouwe: de miensjelike glorie, de evolutie, de modieus utinge bie intellectuele en de misdraginge van machhöbbersj.

Bibliografie[bewirk | brón bewèrke]

  • Het wijnroode uur (1916)
  • Naar den uchtend (1917)
  • De vreemde vogel (1919)
  • Een verwarde liefde (1921)
  • Ravijnen (1922)
  • Stroomversnellingen (1924)
  • De groote drijver (1927)
  • De bonte storm (1929)
  • Geschiedenis van Limburg (1934)
  • Vallende vogels (1934)
  • Het kwellende wonder (1936)
  • Onder de rosse komeet (1945)
  • Limburgensia (1947)
  • Eikenbloesem (1953)
  • Tussen Maas en Mars (1960)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mathias_Kemp&oldid=434031"