Peerd (geslach)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Peerd zien oonevehovege zoogdiere vaan 't geslach Equus. Ze zien 't eineg recint geslach oet de femilie Peerdechtege; deze naom weurt daorum wel ins es synoniem gebruuk veur dit geslach (allewel tot 't väöl fossiel peerdechtege gief die bij aander geslachte hure). Nao de meining vaan de mieste recinte taxonome kint 't geslach zeve recinte soorte, boevaan 'rs ein peerd, drei ezel en drei zebra weure geneump. De mieste soorte laote ziech in oondersoorte verdeile. Versjèllende fossiel soorte zien bekind. De peerd zien megafauna, atletisch gebouwd, gooj rènners (dravers vaan nature), plante-eters en köddebieste. In 't bezunder 't peerd en d'n ezel zien good gesjik veur domesticatie es rij-, trèk- en wèrkdier, boe ze daan ouch al doezende jaore veur weure gebruuk.

Taxonomie

Recinte soorte en oondersoorte zien de volgende:

Oondergeslach Equus
- Wèld peerd (E. ferus)
  - Tarpan (E. f. ferus) †
  - Taam peerd (E f. caballus; soms es apaarte soort E. caballus gezeen)
  - Przewalskipeerd (E. f. przewalskii)
Oondergeslach Asinus (ezele)
- Afrikaansen ezel (E. africanus)
  - Nubischen ezel (E. a. africanus)
  - Hoesezel (E. a. asinus; soms es apaarte soort E. asinus gezeen)
  - Atlasezel (E. a. atlanticus)
  - Somalischen ezel (E. a. somalicus)
- Onager/Aziatischen ezel (E. hemionus)
  - Mongoolsen ezel (E. h. hemionus)
  - Syrischen ezel (E. h. hemippus) †
  - Indischen ezel/Khur (E. h. khur)
  - Turkmeensen ezel/Kulan (E. h. kulan)
  - Perzischen ezel/Onager (E. h. onager)
- Kiang (E. kiang)
  - Noordeleke kiang (E. k. chu)
  - Westeleke kiang (E. k. kiang)
  - Oosteleke kiang (E. k. holdereri)
  - Zuieleke kiang (E. k. polyodon)
Oondergeslach Dolychohippus
- Grevyzebra (E. grevyi)
Oondergeslach Hippotigris
- Steppezebra (E. quagga)
  - Grantzebra (E. q. boehmi)
  - Maoneloeze zebra (E. q. borensis)
  - Burchellzebra (E. q. burchellii)
  - Chapmanzebra (E. q. chapmani)
  - Crawshayzebra (E. q. crawshayi)
  - Quagga (E. q. quagga) †
  - Selouszebra (E. q. selousi)
- Bergzebra (E. zebra)
  - Hartmannbergzebra (E. z. hartmannae)
  - Kaapse bergzebra (E. z. zebra)

Dit artikel is e sjtumpke. De kans Wikipedia helpe door 't aan te völle