Geslach (biologie)

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Inne taxonomie, de indeilingslieër vanne biologie, is e geslach, geslech of genus (mieëvaad: genera) de wichtigste rang nao de rang van saort. De weitesjappelik naam van 'n saort ómvatj ummer de naam van 't geslach worin de saort is ingedeildj.

Saorte binnen einzelvendje genus zeen nejjer aanein verwantj es aan saorten in anger genera. Det d'n tieger (Panthera tigris) enne lieëf (Panthera leo) in 'tzelvendje geslach Panthera waere geplaats guuef 'n dergelike verwantjsjap aan.

Geslachsname behuueren in grdrökdje teks cursief gesjreve te waeren en ummer mit 'n houflitter.

Sómmige geslachsname waeren euvergenómmen in 't algemein spraokgebroek, wie "aster" (Aster) en "dahlia" (Dahlia), meh daobie is 't neet vanzelfspraekendj det get inne vouksmóndj mit daen naam wuuertj aangeduudj ouch euvereinkump mit waat wuuertj gemèndj mitte weitesjappelike naam. Zoea is "rododendron" ummer 'n Rhododendron-saort, mer 't ómgekieërdje is neet waort, went plantje die döks mitte naam "azalea" waere aangeduudj behuuere volges de weitesjappelike indeiling ouch toet 't geslach Rhododendron. De toete Vlinjerbloomfemielje behuuerendje "acacia" (Robinia pseudoacacia) en "mimosa" (Acacia sp.) höbben ouch misleiendje name.

Anger geslachsname klinke bekèndj vanwaengen 't perduk det door leje van 't geslach wuuertj geleverdj: zoea klink Nicotiana bekèndj vanwaege nikotien oete toebaksplantj (Nicotiana tabacum). Sómmige geslachsname zeen euvergenómmen in terme mit 'n óngónstige klank: fytoftora (van Phytophtora) of bacil (van Bacillus).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Geslach_(biologie)&oldid=361111"